220. ĨKALAA KĨTHŨINĨ KYA YESŨ

ĨKALAA KĨTHŨINĨ KYA YESŨ

(Lean on his arm)

1.

Ĩkalaa kĩthũinĩ kya Yesũ;

Akakũtethasya myũnthĩ yonthe;

Na ethwa ũkamwĩthukĩĩsya

Akakũtanĩthya.

 

Chorus:

Ũka kwa Yesũ mwĩtĩkĩle yu

Ũka kwa Yesũ wone wĩkwatyo,

Ũka kwa Yesũ ũthũmũe vyũ

O yĩla wĩ vava nthĩ.

 

2.

Ĩkalaa kĩthũinĩ kya Yesũ:

Akakwonya nesa nzĩa yaku,

Ndeto syake ikeethw’a taa kwaku,

Wa ũkũmulĩkaa.

 

3.

Ĩkalaa kĩthũinĩ kya Yesũ,

Na naĩ syaku syonthe ithew’e vyũ,

Nthĩnĩ wake ve ũtethyo w’onthe:

Ũmwĩtĩkĩle yu.

(Amen)